#Кыскача яңалыклар 24 март 2025, 15:02

Ләйлә Фазлыева мәдәният хезмәткәрләренең һөнәри бәйрәме һәм Венера Ганиеваны юбилее белән котлады

24 март 2025, 15:02

ТР премьер-министры урынбасары, Татарстан Рәисе каршындагы мәдәният һәм сәнгать советы утырышын ачып, тармак хезмәткәрләрен якынлашып килүче һөнәри бәйрәмнәре белән котлады.

Скопировать ссылку

Аны Россиядә 25 мартта билгеләп үтәчәкләр.

"Катнашучыларны мәдәният хезмәткәрләре көне белән котлыйсым килә! Мәдәният ярдәмендә цивилизацияләр ныгый, без алга барабыз. Мәдәният эшлеклеләре һәрвакыт кешеләрнең һәм цивилизацияләрнең алга баруына ярдәм итә", - дип ассызыклады Фазлыева.

Шулай ук вице – премьер татар опера җырчысы, Россиянең һәм Татарстанның атказанган артисты Венера Ганиеваны туган көне белән котлады, ул бүген 70 яшьлек юбилеен билгеләп үтә.

Фазлыева искәрткәнчә, очрашу Бөтендөнья театр көне алдыннан (27 март) уза һәм Камал театрының яңа бинасында үткәрелә, ә ул Татарстанның үзенчәлекле мәдәниятен чагылдыра.

Кызыклы яңалыкларны күзәтеп бару өчен безнең МАХ каналына кушылыгыз.