#Кыскача яңалыклар 30 июнь 2025, 12:23

Машина йөртүчеләр өчен яңалык

30 июнь 2025, 12:23

Финанс министрлыгы 2025 елның сентябреннән автомобильчеләргә машина йөртү таныклыгы алу пошлинасын – 2 тапкырга, ә транспорт чарасы паспорты пошлинасын 1,5 тапкырга арттырырга планлаштыра

Скопировать ссылку

Төзәтмәләр нигезендә, иске үрнәктәге таныклык өчен – 4 мең сум, яңа таныклык өчен – 6 мең сум түләргә кирәк булачак. Халыкара таныклык алу да кыйммәтләнергә мөмкин – 1,6 меңнән 3,2 мең сумга кадәр.

Закон проекты нигезендә, автомобильгә дәүләт номерлары биргән өчен дәүләт пошлинасы 2 меңнән 3 мең сумга кадәр артачак, прицепларга һәм мотоциклларга теркәү билгеләре өчен – 1,5 мең сумнан 2,25 мең сумга чаклы. Транспорт чарасының куркынычсызлык таләпләренә туры килүе турындагы таныклык 1,5 меңнән 4,5 мең сумга кадәр кыйммәтләнәчәк.

Кызыклы яңалыкларны күзәтеп бару өчен безнең МАХ каналына кушылыгыз.