#Кыскача яңалыклар 22 декабрь 2025, 12:50

Машина сатам дип кесәләренә 30 млн сум акча салган татарстанлылар суд каршына басачак

22 декабрь 2025, 12:50

Автомобиль сату белән бәйле мошенниклыкта гаепләнүче дүрт ир-атка карата җинаять эшен тикшерү тәмамланды, дип хәбәр итә Россия Эчке эшләр министрлыгының рәсми вәкиле Ирина Волк.

Скопировать ссылку

Тикшерү мәгълүматлары буенча, 2024 елның мартыннан июньгә кадәр Бер төркем егетләр үзләрен чит илдән машиналар китерү белән шөгыльләнүче компания вәкилләре итеп күрсәткәннәр. Сайт һәм мессенджерлар аша алар чит ил машиналарын түбән бәядән сату турында белдерүләр урнаштырганнар һәм клиентлар белән алдан түләү шартларында килешүләр төзегәннәр. Акча исә еш кына акчалата бирелгән, бу хакта квитанция язылган. Акча алганнан соң җинаятьчеләрдән җилләр искән.

Татарстанлыларныэ кыңгыр гамәлләреннән илнең төрле төбәкләреннән 15 кеше зыян күргән. Гомуми зыян якынча 30 млн сум тәшкил иткән.

Җинаять эше карау өчен Казанның Киров район судына җибәрелгән.

Кызыклы яңалыкларны күзәтеп бару өчен Т елеграмга кушылыгыз.