Махсус хәрби операциядә катнашучылар агробизнес ачу өчен 7 млн сумга кадәр грант ала алачак

«Федераль катнашы булган фермерларга һәм кооперативларга дәүләт ярдәме алымнары үзгәрә, кайбер программалар төгәлләнә, әмма яңа юнәлешләр кертелә», - дип ассызыкладылар ведомствода.

Әйтик, барлык фермерларга грантлар бер елдан артык эшчәнлек алып бару шарты белән биреләчәк. Грант күләме, проектны гамәлгә ашыруга үз акчаларының күләменә карап, 5-30 млн сум тәшкил итәчәк.

«Мәсәлән, үз акчаларының 10 процетын керткәндә грант 5 млн сумга кадәр тәшкил итәчәк, 20% – 8 млн сум, 30% – 15 млн сум, 40% – 30 млн сумга кадәр», – дип аңлаттылар матбугат хезмәтендә.

🔹Шулай ук крестьян-фермер хуҗалыкларына тотылган чыгымнарның бер өлешен компенсацияләүгә 60% күләмендә субсидияләр кертелә, бер крестьян-фермер хуҗалыгына максималь күләме 20 млн сумга кадәр җитә, дип өстәделәр министрлыкта.

🔹Быел махсус хәрби операциядә катнашучыларга үз агробизнесын ачуга грант ярдәме каралган. Грант күләме-7 млн сумга кадәр.

Нәкъ ун ел элек Татарстанда шәхси ярдәмче хуҗалыкларга ярдәм итү турында закон кабул ителде. Ул шәхси ярдәмче хуҗалыкларны үстерү өчен шартлар тудырырга, авыл хуҗалыгы продукциясен җитештерүне арттырырга, авыл халкының керемнәрен арттырырга ярдәм итәр дип уйланылды.