Мөфти Камил хәзрәт махсус хәрби операция зонасыннан кайткан Казан табибларын бүләкләгән

Алар ике ай дәвамында госпитальләрдә хезмәт итеп, хәрбиләргә һәм халыкка медицина ярдәме күрсәткән.

Тантаналы чарада Республика клиник хастаханәсе, Республика балалар клиник хастаханәсе һәм 7нче шәһәр клиник хастаханәсе табибларына медальләр һәм рәхмәт хатлары тапшырылды. Мөфти аларга фидакарь хезмәтләре өчен рәхмәт белдерде.

Очрашуда шулай ук дин әһелләре катнашты, табиблар һәм хәрбиләр өчен догалар кылынды. Моннан тыш, Нәзарәттә кунаклар хөрмәтенә Коръән мәҗлесе дә үткәрелде.