Мошенникларның тагын бер алымы: автомобиль дә һәм акча да юк

Ведомствоның матбугат хезмәте билгеләп үткәнчә, алдаучылар ялган юридик затлар булдыралар яки яхшы салым тарихы булган компанияләрне сатып алалар һәм чит илләрдән автомобильләрне кертү хезмәтләрен шактый түбән бәяләргә тәкъдим итәләр. Мошенниклар гражданнар белән ялган килешүләр төзиләр һәм популяр халыкара платформаларда автомобильләр сайларга тәкъдим итәләр.

Аннан соң алар хезмәтләр һәм таможня чыгымнары өчен акчаларны өченче затның счетына күчерүне сорыйлар. Акчалар алынгач, җинаятьчеләр элемтәне өзә, гражданнар автомобильсез дә һәм акчасыз да кала. ФТХ мондый гамәлләр өчен җинаять җаваплылыгы барлыгын искәртә һәм компанияләр турында мәгълүматны интернетта тикшерергә, шәхси затларга акча күчерүдән сакланырга һәм бары тик рәсми реквизитларны кулланырга киңәш итә. Шулай ук декларация тутыруны ышанычлы таможня вәкилләре белән рәсмиләштерергә кирәк.