Нинди купюраларны банкта алыштырырга була? Юрист мөһим кагыйдәләрне аңлатты

Мондый очракта аларны банкта бушлай алыштырып була. Бу хакта «Прайм» агентлыгына юрист Александр Хаминский сөйләгән.

Аның сүзләренчә, вак кына ышкылулар, кечкенә ертыклар, тишекләр яки югалган почмаклар булган купюралар белән гадәттә кибеттә түләп була. Мондый кимчелекләр банкнотаны түләү чарасы буларак куллануга комачауламый.

Әмма җитдирәк зыян килгән очракта, мәсәлән, купюра скотч белән ябыштырылган булса, кырыйлары 7 миллиметрдан озынрак ертылган, диаметры 4 миллиметрдан зуррак үтәли тишекләр барлыкка килгән яки чит язулар төшерелгән булса, сатучы аны кабул итүдән баш тартырга мөмкин.

Мондый очракта купюраны банкка алып барырга кирәк. Әмма аны алыштыруның төп шарты бар: банкнота башлангыч мәйданының кимендә 55 проценты сакланган булырга тиеш. Әгәр купюраның сакланган өлеше аннан азрак булса, банк аны алыштырудан баш тартырга мөмкин.

Юрист искәрткәнчә, зарарланган купюраларны теләсә кайсы банкта бушлай алыштырырга мөмкин.