#Кыскача яңалыклар 16 октябрь 2025, 14:10

Ноябрь башында өстәмә ял көннәре булачак

16 октябрь 2025, 14:10

Ноябрь башында татарстанлыларны өч көнлек эш атнасы көтә. Бу хакта ТР Хезмәт министрлыгы матбугат хезмәте искә төшерә.

Скопировать ссылку

РФ Хезмәт кодексының 112 нче маддәсе нигезендә 4 ноябрь – Халыклар бердәмлеге көне – эшләми торган бәйрәм көне булып санала. Быел ул сишәмбегә туры киләчәк.

«Татарстан Республикасының бәйрәм көннәре һәм истәлекле даталары турында» ТР Законы нигезендә 6 ноябрь – Татарстан Республикасы Конституциясе көне дә эшләми торган бәйрәм көне булып санала. Быел ул пәнҗешәмбегә туры киләчәк.
РФ Хөкүмәте карары нигезендә, 1 ноябрь ял көне шимбәдән 3 ноябрь дүшәмбегә күчерелде.

Россия Федерациясе Хезмәт кодексы таләпләре нигезендә 1 ноябрьдә һәм 5 ноябрьдә эш көннәре озынлыгы бер сәгатькә кыскартылачак.

Кызыклы яңалыкларны күзәтеп бару өчен безнең МАХ каналына кушылыгыз.