#Кыскача яңалыклар 15 гыйнвар 2026, 16:17

Олимпия чемпионы Александр Большунов беренче җиңүен Казанда яулады

15 гыйнвар 2026, 16:17

Бүген Казанның “Тынычлык” бистәсендәге чаңгы комплексында чаңгы спорты буенча Россия Кубогының 6нчы этабы старт алды.

Скопировать ссылку

Ир-егетләр арасында ирекле стильдә 15 чакрымга узышуда беренче урынны Татарстан спортчысы, Олимпия чемпионы Александр Большунов яулады. Икенче урында – Егор Митрошин, өченчедә – Иван Горбунов. Әйтүләренә караганда, Большунов хәтта разминкада да катнашмаган, аның стартка чыгуы да бераз көтелмәгәнрәк булган. Сүз уңаеннан, бу Большуновның быелгы сезондагы беренче җиңүе.

Хатын-кызлар арасында 10 чакрымга узышуда Алина Пеклецова беренче урында. Икенче урында – Арина Кусургашева, өченчедә – Евгения Крупицкая.

Кызыклы яңалыкларны күзәтеп бару өчен Т елеграмга кушылыгыз.