Путин 8 сентябрьдә Россия халыклары телләре көнен гамәлгә куярга тәкъдим итте

Россия Президенты Владимир Путин 8 сентябрьдә, шагыйрь Рәсүл Гамзатовның туган көнендә, Россия халыклары телләре көнен гамәлгә кую тәкъдиме белән чыкты.
"Россия халыклары телләре көнен гамәлгә куярга һәм аны ел саен 8 сентябрьдә - Рәсүл Гамзатовның туган көнендә билгеләп үтәргә тәкъдим итәм. Легендар ""Журавли" авторы, ул үзе иҗат иткән ике телне - авар телен һәм аның әсәрләрен дөньякүләм таныткан рус телен туган тел дип саный", - диде дәүләт башлыгы рус телен үстерү советы утырышында.