#Кыскача яңалыклар 29 июль 2025, 11:05

Рекордлы сумма. Татарстанда яшәүче хатын-кыз, акчаларын саклап калырга тырышып, мошенникларны баеткан

29 июль 2025, 11:05

Менделеевскида яшәүче хатын-кыз мошенникларның хәйләләренә эләккән һәм 12,3 млн сум акчадан мәхрүм калган.

Скопировать ссылку

Менделеевскида яшәүче хатын-кыз мошенникларның хәйләләренә эләккән һәм 12,3 млн сум акчадан мәхрүм калган.

Татарстан буенча Эчке эшләр министрлыгы матбугат хезмәте хәбәр иткәнчә, мессенджерларның берсендә 48 яшьлек хатын-кызга банк счетыннан акчаларын алу ихтималы турында хәбәрләр килә башлаган. Банкта сакланучы акчаларны югалтуны булдырмау өчен аңа барлык акчаларны имин счетка тапшырырга киңәш иткәннәр.

Мошенниклар күрсәтмәләре буенча, хатын-кыз өлешләп билгесез затларга 10,3 млн сум тапшырган, шулай ук алар күрсәткән исәп-хисап счетына тагын 2 млн сум күчергән.
Мошенниклык турында җинаять эше кузгатылган, җинаятьчеләрне ачыклауга юнәлдерелгән оператив-эзләү чаралары уздырыла.

Кызыклы яңалыкларны күзәтеп бару өчен безнең МАХ каналына кушылыгыз.