Ринат Садыйков Премьер-министр урынбасары булып сайланды

Ул Татарстан шефлыгындагы Лисичанск һәм Рубежный шәһәрләренең кураторы булачак.
Исегезгә төшерәбез: Татарстанның Премьер-министры булып бертавыштан Алексей Песошин сайланды. Татарстан Дәүләт Советы шулай ук республика премьер-министры урынбасарларын да билгеләде:
Татарстан Премьер-министрының беренче урынбасары – Рөстәм Нигъмәтуллин;
Татарстан Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гафаров;
Татарстан Премьер-министры урынбасары Ләйлә Фазлыева;
Татарстан Премьер-министры урынбасары Васил Шәйхразыев;
Татарстан Премьер-министры урынбасары Роман Шәйхетдинов;
Татарстан Премьер-министры урынбасары – Татарстанның сәнәгать һәм сәүдә министры Олег Коробченко;  

Татарстан Премьер-министры урынбасары – Татарстанның авыл хуҗалыгы һәм азык-төлек министры Марат Җәббаров; 
Татарстан Премьер-министры урынбасары – Татарстанның  икътисад министры Мидхәт Шаһиәхмәтов; 
Премьер-министр урынбасары – Татарстанның Россиядәге тулы вәкаләтле вәкиле Равил Әхмәтшин булды.  
Барлык вице-премьерлар да үз урыннарында калды. Аларга тагын бер яңа урынбасар өстәлде: Татарстанның яшьләр эшләре министры вазифасын башкарган Ринат Садыйков шулай ук Премьер-министр урынбасары булып сайланды. Ул Татарстан шефлыгындагы Лисичанск һәм Рубежный шәһәрләренең кураторы булачак. Аңа кадәр бу постны 2024 елның июленнән Фәнил Әһлиуллин биләде.