Россия халкының табигый кимүе дәвам итә

2023 ел нәтиҗәләре буенча, күрсәткеч 495,2 мең кеше тәшкил иткән. 

Росстат мәгълүматларына караганда, 2024 елда үлүчеләр саны туучылар саныннан артып киткән. Үлүчеләр саны 1,8 млн кеше (+3,3 процент), туучылар - 1,2 млн (-3,4 процент) тәшкил иткән. Туучылар санының иң көчле кимүе Калмыкиядә (-12 процент), Алтайда (-10 процент), Белгород өлкәсендә (-8 процент) булган. Туучылар санының артуы Адыгея, Кырым, Дагыстан, Ингушетия, Кабардино-Балкария, Төньяк Осетия һәм Чечняда теркәлгән. 

2025 ел башына халыкның гомуми саны, элегрәк Росстат хәбәр иткәнчә, 146,028 млн кешегә кадәр кимегән. Бер ел элек ул 146,206 млн кеше тәшкил иткән. Халык санын бәяләүгә Донецк Халык Республикасы һәм Луганск Халык Республикасы, Запорожье һәм Херсон өлкәләре халкы кертелмәгән.