#Кыскача яңалыклар 20 ноябрь 2025, 09:50

Россиядә гомер озынлыгын 150 яшькә кадәр арттырырга җыеналар

20 ноябрь 2025, 09:50

Россия Президенты Владимир Путин кайбер илләрдә халыкның уртача яше 80 яшькә җиткән, ә Кытай белгечләре версиясе буенча, гомерне 150 яшькә кадәр озайтырга мөмкин булуын белдерде.

Скопировать ссылку

Дәүләт башлыгы «Ясалма интеллект дөньясына сәяхәт» конференциясенең пленар утырышында Россия Федерациясендә дә гомер озынлыгын арттырырга омтылуларын әйтте.

- Кытай белгечләре кеше 150 елга кадәр яшәве өчен шартлар тудырырга мөмкин, диләр. Без дә үз алдыбызга уртача гомер озынлыгын арттыру бурычларын куябыз, һәм бу дөрес тә. Мөгаен, 150 яшькә кадәр дә җиткерергә мөмкиндер. Ләкин, акча кебек үк, һәрвакыт аз булачак, һәрвакыт, - ди Путин.

Ачык мәгълүматлар буенча, Россиядә 2024 елда уртача гомер озынлыгы 72,8 ел тәшкил иткән. Бу күрсәткеч 2023 ел белән чагыштырганда 0,6 елга кимегән, бу вакытта ул тарихи максимумга – 73,4 елга җиткән. Шул ук вакытта хатын-кызларның уртача гомер озынлыгы 78,4 ел, ир-атларның – 68,5 ел.

Кызыклы яңалыкларны күзәтеп бару өчен Т елеграмга кушылыгыз.