Россиядә маймыл чәчәк авыруын йоктыру очраклары теркәлгән

Ведомствода инфекциянең илгә үтеп керүен һәм аның РФ территориясендә таралуына юл куймау өчен тиешле барлык чаралар да күрелүен билгеләп үттеләр.

Анна Попова сүзләренчә, ведомствода диагностика ясаганда әлеге инфекцияне йоктыру очраклары теркәлгән илләрдән кайтучыларга, шулай ук охшаш симптомнар (температура күтәрелү, баш һәм мускуллар авырту, баш әйләнү, күңел болгану һәм косу) белән авыручыларга аерым игътибар бирергә ниятлиләр. Авыру йоктырганнан соң 3-4нче көндә биткә тимгелләр чыга, соңрак ул тәннең башка өлешләренә дә күчә.

"Россиядә маймыл чәчәген йоктыруның беренче очраклары теркәлде. Авыру Европадан кайткан кешеләрдә ачыкланды. Алар охшаш тимгелләр белән медицина оешмасына мөрәҗәгать итте", - диелә Попова хәбәрендә.

Үзеңдә маймыл чәчәге булуын шикләнсәң, нишләргә?
Тиз арада поликлиникага яисә дәваханәгә мөрәҗәгать итәргә. Сездән анализ алып, “Роспотребнадзор” лабораториясенә җибәрергә тиешләр. Инфекцияне ачыклаучы тест-системалар да бар, ләкин түләүле рәвештә үзаллы үтеп булмый, чөнки аыру киң таралмаган.

Бу инфекцяне дәвалау өчен вируска каршы препаратлар Русиядә әлегә теркәлмәгән. Сәламәтлек саклау министрлыгы билгеләрне киметүче прпаратлар кулланырга куша. Тән температурасын төшерү өчен парацетомол яисә ибупрофен, тәндәге тимгелләрдән нистатин һәм фукорцин белән берлектә генцианвиолет кулланырга була.
Авыруны яисә авыруга шик туган кешене йогышлы авырулар дәваханәсенә, аерым палатага салалар. Аның белән бәйләнештә булганнарга 21 көн изоляция һәм медицина күзәтүе билгеләнә.