Россиядә максималь пенсия ничә сум?

Бу хакта РФ Хөкүмәте каршындагы Финанс университеты профессоры Александр Сафонов хәбәр итте.

Аның сүзләренчә, мондый дәрәҗәдә пенсия алу өчен гражданин 400 пенсия баллы җыярга тиеш. Бу якынча 40 ел хезмәт стажы һәм айлык хезмәт хакының 250 мең сумнан югары булуын таләп итә.

Шул ук вакытта төньяк төбәкләрдә яшәүчеләр өчен пенсия күләме бераз югарырак – 70 мең сумга якын булырга мөмкин.

Эксперт аңлатканча, кайбер һөнәр ияләре күбрәк пенсия ала ала. Мәсәлән, очучы-сынаучыларның түләүләре 100 мең сумнан артып китәргә мөмкин, әмма бу иминият түгел, ә социаль пенсия төренә керә. Мондый пенсия өчен ир-атларга кимендә 25 ел, хатын-кызларга 20 ел стаж һәм югары хезмәт хакы кирәк.

Хәрби хезмәткәрләр арасында исә 100 мең сум күләмендәге пенсияне генерал-полковниклар һәм армия генераллары гына ала ала.

Билгеле булганча, «Яшәү өчен инфраструктура» илкүләм проекты гамәлгә ашырыла.