#Кыскача яңалыклар 21 июль 2025, 11:22

Россиядә мәктәп рюкзаклары өчен яңа ГОСТ таләпләре кертелә

21 июль 2025, 11:22

Россиядә мәктәп букчалары өчен яңа милли стандарт (ГОСТ) үз көченә керә.

Скопировать ссылку

Россиядә мәктәп букчалары өчен яңа милли стандарт (ГОСТ) үз көченә керә.

Ул исә укучы балаларның рюкзак авырлыгына, ныклыгына һәм куркынычсызлыгына таләпләр куя.

“Документ тексты буенча, аны гамәлгә кертү вакыты – агымдагы елның 1 августы”, – дип хәбәр итә РИА Новости. Яңа стандарт мәгълүматлары буенча, кече сыйныф укучылары өчен рюкзак авырлыгы өстәмә элементлар һәм этикеткаларны исәпкә алмаганда 700 граммнан артмаска тиеш, ә өлкән сыйныф укучылары өчен – бер килограмм. Моннан тыш, ГОСТ контраст төсләр һәм янгынга бирешми торган материаллар кулланырга, шулай ук рюкзакларны чагылдыргыч элементлар белән тулыландырырга тәкъдим итә.

Исегезгә төшереп узабыз, 2025 елның 1 июленнән Россиядә мәктәп формасы өчен шулай ук бердәм стандартлар билгеләүче ГОСТ таләпләре үз көченә керде. Беренче тапкыр дәүләт дәрәҗәсендә укучыларның кием сыйфатына һәм куркынычсызлыгына ачык таләпләр билгеләнде, алар элек мәктәпләрнең эчке документлары белән генә көйләнә иде.

Кызыклы яңалыкларны күзәтеп бару өчен безнең МАХ каналына кушылыгыз.