#Кыскача яңалыклар 05 март 2026, 14:04

Россиядә МРОТ 2030 елга 35 мең сумга кадәр күтәреләчәк

05 март 2026, 14:04

Россиядә минималь хезмәт хакы (МРОТ) киләчәк елларда даими рәвештә артырга мөмкин.

Скопировать ссылку

Россиядә минималь хезмәт хакы (МРОТ) киләчәк елларда даими рәвештә артырга мөмкин.

Дәүләт Думасының Хезмәт, социаль сәясәт һәм ветераннар эшләре комитеты башлыгы Ярослав Нилов 2030 елга МРОТны аена 35 мең сумга кадәр күтәрү планын игълан итте.

Депутат хәбәр иткәнчә, минималь хезмәт хакын этаплап арттыру каралган. Мисал өчен, 2026 елда МРОТ инде 20% ка үсеп, хәзер 27 мең сумнан бераз күбрәк тәшкил итә. Нилов билгеләвенчә, бу тулы мәшгульлектә эшләүче һәр россияле өчен минималь финанс гарантия булып тора.

«Конкрет төбәк өчен минималь хезмәт хакы федераль МРОТтан ким булырга мөмкин түгел, ләкин күбрәк булырга мөмкин», — дип ассызыклады депутат.

Хәзерге вакытта якынча 4,5 млн кеше МРОТ дәрәҗәсендә хезмәт хакы ала. Минималь хезмәт хакы — бу эш бирүче хезмәткәргә тулы ай һәм сәгать нормасын үтәгән очракта түләргә тиешле база суммасы. Анда оклад кына түгел, премияләр, өстәмәләр һәм район коэффициентлары да керә.

Экспертлар фикеренчә, МРОТ — халыкның керем дәрәҗәсе һәм икътисад үсеше өчен мөһим индикатор булып тора. 2030 елга аның артуы хезмәт базары өчен стимул һәм гражданнарның минималь керемнәрен тәэмин итү чарасы булачак.

Билгеле булганча, «Яшәү өчен инфраструктура» илкүләм проекты гамәлгә ашырыла.

Кызыклы яңалыкларны күзәтеп бару өчен безнең МАХ каналына кушылыгыз.