Россиялеләр ана капиталын файдалануның иң отышлы юнәлешен атаган

Бу хакта «Выберу.ру» үткәргән сораштыру нәтиҗәләренә таянып, РИА Недвижимость хәбәр итә.

Тикшеренүдә 18 яшьтән 65 яшькә кадәрге 3 мең кеше катнашкан. Аларның 87 проценты ана капиталын күчемсез милеккә инвестицияләүне иң отышлы файдалану ысулы дип атаган.

Сораштырылучыларның 34 проценты дәүләт ярдәмен торак мәйданын киңәйтүгә яки яшәү шартларын яхшыртуга юнәлтергә теләвен белдергән. Тагын 53 проценты исә бу акчаны бала өчен инвестиция максатында фатир сатып алуга тотарга әзер булуын әйткән. Алар фикеренчә, мондый күчемсез милек киләчәктә бала өчен башлангыч капитал яки даими керем чыганагы була ала.

Шулай ук сораштыру нәтиҗәләре күрсәткәнчә, респондентларның 9 проценты ана капиталын белем алуга тоту яклы. Калган 4 проценты исә әлегә нинди юнәлешне сайларга икәнен хәл итмәгән.