Рөстәм Миңнеханов 430 нчы полкны «гвардия» исеме алу белән котлады

Котлау мөрәҗәгатендә республика җитәкчесе әлеге исемнең полкның сугышчан казанышларын тану һәм шәхси составның махсус хәрби операция вакытында катлаулы бурычларны үтәгәндә күрсәткән батырлыгын, ныклыгын югары бәяләү булуын билгеләп үтте.

– «Барыгызны да „гвардия“ дигән мактаулы исем бирелү белән котлыйм. Бу – сезнең батырлыгыгызны һәм сугышчан казанышларыгызны дәүләт дәрәҗәсендә тану», – диелә котлауда.

Рөстәм Миңнеханов шулай ук Татарстан халкының батыр якташлары белән горурлануын ассызыклады. Аның сүзләренчә, бүгенге сугышчылар Бөек Ватан сугышы җиңүчеләренең лаеклы варислары булып, Ватанга хезмәт итү һәм хәрби бурычка тугрылык традицияләрен дәвам итә.

Котлау сүзенең ахырында Татарстан Рәисе полкның барлык хәрбиләренә нык сәламәтлек, уңышлар һәм исән-имин туган якларына әйләнеп кайтуларын теләде.

– «Гвардия полкы байрагын югары күтәрегез һәм исән-сау өйгә кайтыгыз», – дип мөрәҗәгать итте ул.