Рөстәм Миңнеханов Татарстанның 20 районы мәктәпләренә автобус ачкычлары тапшырды

«Мәктәп автобуслары – безнең тормышның алыштыргысыз атрибутына әйләнде инде. Татарстанда көн саен аларда якынча 28 мең баланы йөртәләр. Быел барлыгы 140 автобус тапшырачакбыз, бүген аларның 57се тапшырыла. Федераль һәм республика программалары безгә балаларны мәктәпкә йөртү бурычын хәл итәргә мөмкинлек бирә», – диде Рөстәм Миңнеханов.

Аның сүзләренчә, техника иминлек таләпләренә туры килергә, ә аларны махсус өйрәтелгән шоферлар йөртергә тиеш.

Тантана Кукмараның Комсомол мәйданында булды, аннан автобуслар республиканың төрле районнарына таралды.

«Яңа мәктәп автобуслары өчен республика җитәкчелегенә зур рәхмәт. Балалар өчен бу бик мөһим ярдәм, алар аны уку вакытында тоеп тора», – диде Татарстанның Әгерҗе районы мәгариф идарәче җитәкчесе Вәсилә Сафиуллина.

Искәртеп үтик, Татарстанда 2020 – 2024 елларда 1,5 млн сумга 567 мәктәп автобусы сатып алынган. Республиканың мәктәп автобуслары автопаркында барлыгы 822 машина исәпләнә, алар 955 маршрут буенча йөри.

Чыганак: Татар-информ