#Кыскача яңалыклар 12 гыйнвар 2026, 09:57

Руль артында үтерүчеләр: Яңа ел бәйрәмнәрендә Татарстанда йөзләгән исерек машина йөртүчеләрне тотканнар

12 гыйнвар 2026, 09:57

Яңа ел бәйрәмнәрендә Татарстанда 416 исерек машина йөртүче тоткарланган. Бу хакта Татарстан Дәүләт автоинспекциясе хәбәр итә.

Скопировать ссылку

Ведомствода исерек килеш машина йөрткән өчен автобиль сөючеләрне җитди нәтиҗәләр көтә, дип кисәттеләр. Аларга ел ярымнан ике елга кадәр вакытка машина йөртү хокукларыннан мәхрүм ителү һәм 45 мең сум күләмендә штраф яный. Бу җәза машина йөртүче медицина тикшерүе узганмы-юкмы икәнлегенә бәйсез рәвештә гамәлдә.

Әгәр машина йөртүче руль артына кабат исерек килеш утырса, аңа 3 елга кадәр ирегеннән мәхрүм ителү яный ала. Моннан тыш, суд транспорт чарасын конфискацияләү турында карар кабул итә ала.

Кызыклы яңалыкларны күзәтеп бару өчен безнең МАХ каналына кушылыгыз.