#Кыскача яңалыклар 28 август 2025, 16:45

Шәймиев «Милләт җыены» турында: Халкыбызның бүгенгесе, киләчәге турында уйланабыз

28 август 2025, 16:45

Муса Жәлил исемендәге Опера һәм балет театрында узучы «Милләт җыены»ның пленар утырышында Татарстан Республикасы Дәүләт Киңәшчесе Минтимер Шәймиев чыгыш ясады.

Скопировать ссылку

«Аңлашып, язмышыбыз, халкыбызның бүгенгесе, киләчәге турында уйланабыз. Менә без нинди икән дип, чын күңелдән куанып утырам. Күңелләр нечкәреп китте. Шундый дәрәҗәдә булуыбыз, шундый республикада яшәвебез - зур горурлык. Республикабызны, халкыбызны яратып, җыелышып, кызыксынып, мәсьәләләрне уртага салып сөйләшәсез. Куанып утырдым. «Без булдырабыз», - дип әйтәбез бит, «Милләт җыены»нда яңгыраган чыгышлар шушы сүзләрне раслый», – диде ул.

Шул вакытта ул эшлисе эшләрнең күп булуын да билгеләп узды.

«Тотынсак, булдырабыз икән! Әле эшлисе эшләр күп. Бердәм булып, матур итеп яшәргә, эшләргә язсын, республикабыз чәчәк атсын! Барыгызга да бик зур рәхмәт. Алдыбызга куелган максат-бурычларны башкарып чыгарга көчебез, рухыбыз булсын иде!» - диде Минтимер Шәймиев.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.