#Кыскача яңалыклар 26 февраль 2025, 16:26

Белгечләр нинди сортлар утыртырга киңәш итә

26 февраль 2025, 16:26

Климат үзгәрүе аркасында бакчачылар да элеккеге орлыкларга түгел, корылыкка чыдам сортларга өстенлек бирергә тырыша икән.

Скопировать ссылку

Бу хакта Дәүләт Думасы депутаты Никита Чаплин хәбәр итә. Соңгы елларда бакчачыларның тормыш девизы – артык тырышмыйча гына күп уңыш алу. Шуңа күрә алар һава шартларына бирешми торган сортларга һәм гибридларга өстенлек бирә.

Бакчачылар соңгы елларда помидорның “Де Бароа”, “Черный принц”, борычның “Рамио” сортларын утыртырга тырыша. Ә менә кәбестәнең “Бронко” гебриды, яшел тәмләткечләрдән “Руский размер” салаты, укропның “Гайзер” сорты аеруча популяр икән. Депутат фикеренчә, мул уңышка нигез сортларны сайлауда гына түгел, өсләренә ябыла торган заманча материаллар белән эшли белүдә дә.

Мондый чүпрәк кебек материаллар туфракта тиешле температураны көйләүгә ярдәм итә. Тик аларны алганда калынрагына өстенлек бирергә кирәк. Юкалары салкыннарны үткәрүчән була. Андыйлары бары җәйге чорда корткычлардан һәм кояш нурларыннан бераз саклау өчен генә файдаланалар.

Кызыклы яңалыкларны күзәтеп бару өчен безнең МАХ каналына кушылыгыз.