Сирень букеты сәламәтлеккә тискәре йогынты ясарга мөмкин

Бу хакта “РИА Новости” мәгълүмат агентлыгы хәбәр итә.

“Сиреньнең көчле исе дискомфорт тудырырга сәләтле. Сизгер кешеләрдә ул баш авыртуын, сулыш органнары ярсуын барлыкка китерергә мөмкин, бигрәк тә ябык биналарда",– дип ассызыклый Түбән Новгород дәүләт университетының ботаника бакчасы директоры урынбасары Татьяна Хрынова.

Искәртеп узарга кирәк, сирень яфракларында һәм чәчәкләрендә сирингин – йөрәк гликозиды бар. Ул йөрәк ритмын бозарга, йокысызлыкны, баш авыртуларын китереп чыгарырга һәм сирәк очракларда күрү начараюга һәм канда тромбоцитлар дәрәҗәсенең кимүенә китерергә мөмкин. Шул ук вакытта бу матдәгә сизгерлек һәркемдә төрлечә, һәм кайбер кешеләрдә аллергик реакцияләр булырга мөмкин.