Снарядлар яуганчы ышык урынга качкан: МХО ветераны хәрбиләрне кисәткән мәче турында сөйләгән

Бу хакта махсус хәрби операция ветераны Александр Сальников РИА Новостига сөйләгән.

Сальников сүзләренчә, хәрбиләр мәчене ашаткан һәм вакыт узу белән аның үз-үзен тотышындагы үзенчәлеккә игътибар иткән.

Атыш башланырга берничә минут кала Василий һәрвакыт блиндажның иң ерак почмагына поскан. Ветеран әйтүенчә, мәче качканнан соң якынча өч-биш минут үткәч, снарядлар уты ява башлаган.

«Без моны сигнал буларак кабул иттек һәм үзебез дә ышык урынга китә идек», — дип сөйләгән Сальников.

Атыш тәмамлангач, Василий ышык урыннан чыккан. Аның артыннан хәрбиләр дә кире әйләнеп кайткан.

«Тынлык башлана иде, ул торып баса да кире чыга иде. Безнең өчен бу чын галәмәткә әйләнде. Песи безгә ярдәм итте», — дип өстәгән ветеран.