Стресс чәчсез калдыра

Табиблар аңлатканча, стресс гормоннарын (кортизол, пролактин, адренокортикотроп гормоны) эшләп чыгару өчен эчке секреция бизләре җавап бирә. Көчле стресс вакытында чәч фолликулы тирәсендәге кан тамырлары спазмы вакытында туклыклы матдәләр керүе начарая һәм фолликулның кислород белән туенуы бозыла. Озакка сузылган яки хроник стресс вакытында бу чәч үсеше фазасының вакытыннан алда тукталуына, тынычлыкка күчүгә һәм, нәтиҗә буларак, чәч коелуга китерә.

Чәч югалтуның мондый төре телоген алопеция дип атала – ул көчле эмоциональ киеренкелек кичергәннән соң 1-3 ай узгач башланырга һәм чәчнең 60% тан артыгына кагылырга мөмкин. Шулай ук ул чәч коелудан тыш, стресс гормоннары баш һәм тән тиресенең тире авыруларын (псориаз, себорея яки атопик дерматит) көчәйтергә мөмкин. Шулай ук аутоиммун авырулар (оялы алопеция, кызыл яссы лишай) активлашуы ихтимал.