#Кыскача яңалыклар 02 апрель 2025, 13:37

Шүрәле образын боз аренасында күргән юк иде әле

02 апрель 2025, 13:37

Татар халкының бөек шагыйре Габдулла Тукайның туган көнендә Казанда симфоник оркестр белән бергә «Шүрәле» уникаль боз тамашасы куелачак.

Скопировать ссылку

Бер тамаша үзендә фигуралы шуу сәнгатен дә, тере музыканы да һәм цирк номерларын да берләштерәчәк.

Сюжет нигезендә “Шүрәле” әсәре ята. “Музыка и преображение” фонды директоры Тимур Гафитуллин билгеләп узганча, тамашада, нигездә, “Шүрәле” балетын язган Фәрит Яруллинның музыкасы кулланылачак. Шулай ук рус композиторлары Модест Мусоргский белән Александр Бородин музыкалары да яңгыраячак.
Боз тамашасында барысы 130 кеше катнаша. Аларның 55е – спортчылар, клаган 75е – симфоник оркестр төркеме кешеләре.

Россия Иҗтимагый палатасы әгъзасы, Россиянең атказанган тренеры Ольга Павлова әйтүенчә, бу шоу Шүрәле образын симфоник оркестр белән бозда күрсәткән иң беренче тамаша булачак.

Билетларның 30 процентына якыны махсус операциядә ктанашучыларның балаларына, аз керемле гаиләдә тәрбияләнүче һәм мөмкинлекләре чикле балаларга таратылачак.

Кызыклы яңалыкларны күзәтеп бару өчен Т елеграмга кушылыгыз.