Табиб безнең җирлек өчен иң куркыныч гөмбәләрне атаган

Ел башыннан Казанда гөмбә белән агулануның җиде очрагы теркәлгән.

«Казанның 7нче шәһәр клиник хастаханәсенә быел гөмбә ашап агуланган 7 кеше китерелде. Барысы да дәвалану курсы үтте. Соңгысын бу атна башында өенә чыгардылар»,- дип хәбәр итә "Татар-информ" агентлыгы медицина учреждениесе матбугат хезмәтенә сылтама белән.

Күпчелек агуланулар тозлы, маринадланган яки элек туңдырылган, еш кына кулдан алынган гөмбәләр куллану аркасында килеп чыккан.
Татарстан Сәламәтлек саклау министрлыгының штаттан тыш баш токсикологы Алия Насыйбуллина республикада яшәүчеләрне таныш булмаган гөмбәләрне җыймаска, шулай ук гөмбәләрне кулдан сатып алмаска һәм аларны ничек дөрес әзерләргә икәнен җентекләп өйрәнергә чакырды. Табиблар билгеләп үткәнчә, безнең як өчен иң куркыныч гөмбәләр – ак гөмбә һәм галерина.