#Кыскача яңалыклар 25 февраль 2025, 14:30

Табибларның күпме хезмәт хакы алуы билгеле булды

25 февраль 2025, 14:30

Россиядә табибларның уртача хезмәт хакы биш ел эчендә 40 мең сумнан күбрәккә арткан – 2024 елда ул 123 мең сумга кадәр җиткән.

Скопировать ссылку

Бу хакта Дәүләт Думасында КПРФ фракциясе утырышында Россия Сәламәтлек саклау министры Михаил Мурашко белдерде.

– Табибларның ил буенча уртача хезмәт хакы 2019 елда 80 756 сум тәшкил итә иде. 2024 елның тугыз ае нәтиҗәләре буенча, әлегә 2024 ел буенча тулы рәсми статистика юк, 123 259 сум, ¬– дип билгели ул.

Мурашко сүзләренчә, урта медицина персоналының хезмәт хакы 2019 елда 39,5 мең сумнан 2024 елда 61 мең сумга кадәр арткан. Хезмәт хаклары арту нәтиҗәсендә илдә кадрларның шәхси медицина үзәкләреннән дәүләт поликлиникаларына һәм хастаханәләренә күчүе күзәтелә, ди министр.

- Безнең бурыч хәзер – медицина ярдәмен оештыру системасында йөкләнешне адекват итү. Ягъни күп кенә кирәксез документлар тутыруларны юк итәргә кирәк, - диде Мурашко.

Кызыклы яңалыкларны күзәтеп бару өчен безнең МАХ каналына кушылыгыз.