Танылган композитор вафат

Бу хакта социаль челтәрдәге шәхси сәхифәсендә Миләүшә Таминдирова хәбәр итә. 

– Без бик нык әзерләндек, кызганыч, юбилей концертында котларга өлгермәдек. Хөрмәтле Сәйяр Зыятдинович, без сезнең белән бер тапкыр да күрешмәдек. Әмма минем күңелдә сезгә карата никадәр хөрмәт, ихтирам булуын сүз белән әйтеп бетерерлек түгел. Бөек җыр язган бөек композитор. Бу җырны Татарстанда һәм аннан читтә дә белмәгән кеше юктыр. Аны һәрвакыт тыңлыйсы килеп тора. «Эзләдем, бәгърем, сине» шәхсән минем тормышка да зур шатлыклар алып килде. Шушы җыр белән мин тамашачыларның алкышларын ишеттем. Бик зур югалту, - дип язган Миләүшә Таминдарова. 

28 март Мәскәүдә татар мәдәният үзәгендә Сәйяр Хабибуллинның иҗат кичәсе узарга тиеш булган.