Татар дин галиме Муса Бигиевның кабере табылган

"Күп еллар дәвамында олпат шәхеснең соңгы сыену урыны билгесез иде. Кабере турында берничә фараз гына бар иде, һәм алар берсе дә дөреслеккә туры килмәде. Әмма Мисырда моңарчы Россотрудничество оешмасы башлыгы булып әшләгән Марат Гатин нәзарәткә бу мәсьәләне чишәргә ярдәм итте. Бүгенге көндә галим җирләнгән урын табылды һәм без кабергә тантаналы рәвештә истәлек тактасы урнаштырдык", - диде ул. Кабер Каһирәнең Әл-Карафа некрополендә, Король каберлеге территориясендә, принцесса Хәдичә кабере янында урнашкан. Муса Бигиевның никадәрле зур дәрәҗәдәге галим булганы шуннан аңлашыла, дип ассызыклады мөфти.