Татарстан махсус хәрби операция зонасына сигез ат җибәргән

Бу хакта Казан ипподромы директоры Гыйяз Идиятуллин хәбәр итте.

Атлар республика территориясендә махсус әзерлек узганнан соң җибәрелгән. Алар азат ителгән территорияләрне патрульләү, шулай ук «яшел зона»га азык-төлек һәм кирәк-яраклар ташу өчен файдаланылачак. Атларның маневрлылыгы һәм авыр юл шартларында үтеп йөрүчәнлеге техникага караганда өстенрәк булуы ассызыклана.

Атлар Казаннан, Арча, Теләче һәм Лениногорск районнарыннан җыелган, аларны республиканың әйдәп баручы ат хуҗалыклары тәкъдим иткән. Идиятуллин сүзләренчә, әлеге токым артык карау таләп итми, транспортлауны яхшы кичерә һәм төрле шартларга тиз җайлаша.

Атлар белән тәҗрибәле белгечләр эшләячәк. Алар азык-төлек һәм кирәк-яраклар ташуда ярдәм итәчәк, шулай ук миналарны сизеп, куркыныч урыннарны урап узу сәләтенә дә ия.