Татарстан прокуратурасы Менделеевскида балалар төшеп үлгән кое өчен кем җавап бирүен ачыклады

Прокуратура коеның шәһәрне су белән тәэмин итү системасының бер өлеше икәнен һәм капкачы булмавын ачыклаган. Күзәтү ведомствосы мәгълүматлары буенча, капкачның юклыгы фаҗиганең төп сәбәбе булган һәм бу оешманың җаваплы хезмәткәрләре тарафыннан хезмәтләрнең тиешенчә күрсәтелмәве турында сөйли.

Тикшерү материаллары буенча «Ике һәм аннан да күбрәк затның үлеменә китергән иминлек таләпләренә җавап бирми торган хезмәтләр күрсәтү» маддәсе буенча җинаять эше кузгатылды.

Фаҗига 4 гыйнварда була: тау янындагы ачык коеда ике кечкенә баланы табып алалар. Алар тау шуганда коега төшеп киткән булырга мөмкин дип фаразлана.

Чыганак: Татар-информ