#Кыскача яңалыклар 21 май 2025, 11:00

Татарстан Рәисе Рөстәм Миңнеханов «Идел – Янцзы» Советы утырышында катнаша

21 май 2025, 11:00

Казанда «Идел – Янцзы» Советының халыкара хезмәттәшлек буенча бишенче утырышы башланды. Анда Рөстәм Миңнеханов катнаша. Бу хакта республика Рәисенең матбугат хезмәте җитәкчесе Лилия Галимова үзенең телеграм-каналында хәбәр итте.

Скопировать ссылку

Рәсми өлеш башланыр алдыннан чарада катнашучылар бергәләп фотога төшкән, алар арасында Рөстәм Миңнеханов та бар.

Алдарак «Татар-информ» Казанда «Идел – Янцзы» Советының бишенче утырышы башлануын язган иде. Чара Россия Президентының Идел буе федераль округындагы вәкаләтле вәкиле Игорь Комаров һәм Кытай Халык Респуликасы Дәүләт Советы вице-премьеры Чжан Гоцин рәислегендә уза.

Комаров искәрткәнчә, бу форматның идеясе 2021 елда Казанда барлыкка килә. Көн тәртибендә – сәнәгать, логистика, агросәнәгать комплексы һәм файдалы казылмалар табу өлкәләрендә уртак проектлар. Төбәкара килешүләр имзалау көтелә.

Казанда Россиянең 14 һәм Кытайның 6 төбәгеннән делегацияләр килде. Программада – эшлекле очрашулар, мәдәни чаралар һәм «Идел – Янцзы» Югары уку йортлары ассоциациясе форумы ачылышы.

Чыганак: Татар-информ

Кызыклы яңалыкларны күзәтеп бару өчен Т елеграмга кушылыгыз.