#Кыскача яңалыклар 29 июль 2026, 10:53

Татарстан студентлары миллионнар ота: 293 проект 1 миллион сумлык грантка лаек булды

29 июль 2026, 10:53

Татарстан «Студентлар стартабы» федераль программасына бирелгән гаризалар һәм җиңүчеләр саны буенча Россиядә икенче урынны алган.

Скопировать ссылку

Быел республикадан әлеге бәйгегә 1,7 меңнән артык гариза тапшырылган. Нәтиҗәдә, 293 студент җиңүче дип танылган. Бу – ил буенча җиңүчеләрнең 13 проценты дигән сүз.

«Технологияләр» федераль проекты һәм «Нәтиҗәле һәм көндәшлеккә сәләтле икътисад» илкүләм проекты кысаларында үткәрелә торган конкурс яшь галимнәр һәм уйлап табучылар өчен үзләренең фәнни эшләнмәләрен уңышлы бизнес-проектка әйләндерү мөмкинлеге бирә.

Татарстан кече фәнни-техник эшмәкәрлекне үстерүгә ярдәм итү фонды белән тыгыз хезмәттәшлек итә. Шуның нәтиҗәсендә республика вузларында белем алучы студентлар үз проектларын тормышка ашыру өчен кирәкле ярдәм ала.

Программа кысаларында бирелә торган 1 миллион сумлык грант командаларга юридик зат булып теркәлергә, шулай ук тормышка ашырырлык прототип яки әзер продукт булдырырга ярдәм итә.

Кызыклы яңалыкларны күзәтеп бару өчен безнең МАХ каналына кушылыгыз.