Татарстан укытучыларына планшет компьютерлар өләшәчәкләр

Мәгариф системасын модернизацияләүгә республика шактый финанслау алачак, дип хәбәр итә Татарстан Финанс министрлыгы.

Гомумроссия проекты кысаларында биш махсуслаштырылган платформа булдыру планлаштырыла: «Минем мәктәп», «Университетлар», «Фән», «Имин мохит» һәм «Акыллы шәһәр». Якындагы өч елда гына да Татарстанның мәгариф системасын модернизацияләүгә 563 миллион сумнан артык акча юнәлдереләчәк.

2026 елда федераль һәм төбәк бюджетларыннан – 80,3 млн сум, 2027 елда — 274,1 млн сум, ә 2028 елда 208,9 млн сум бүлеп бирү планлаштырыла. Педагогик хезмәткәрләр Электрон белем бирү контенты белән эшләү өчен үзебездә җитештерелгән планшетлар белән тәэмин ителәчәк.