Татарстан Үзәк сайлау комиссиясе: республикада «Мобиль сайлаучы» сервисы актив кулланыла

«Мобиль сайлаучы» аша бездәге 712 кеше киредән теркәлде инде. Бу – зур сан. Башка төбәкләрдәге саннар: 3, 7, 20 кеше. Ә бездә 712 кеше. Бу безнең сайлаучыларның активлыгын күрсәтә», – диде Андрей Кондратьев.

Чагыштыру өчен: узган елгы сайлауларда «Мобиль сайлаучы» механизмын Татарстанда 32 мең кеше сайлаган.

Татарстандагы һәр сайлаучы яшәгән урыны буенча үзенә уңайлы сайлау участогында тавыш бирү өчен гариза тапшыра ала. «Мобиль сайлаучы» технологиясе буенча гаризалар Дәүләт хезмәтләре порталы, Күпфункцияле үзәк офисларында, территориаль сайлау комиссияләрендә 30 июльдән 10 сентябрьгә тикле, участок сайлау комиссияләрендә 3 – 10 сентябрь көннәрендә кабул ителә.

Татарстан Рәисен сайлауларда «Мобиль сайлаучы» сервисы республиканың бөтен территориясендә, Дәүләт Советы депутатын өстәмә сайлауларда бары тик №18 Мәләкәс округында гына эшләячәк. Җирле үзидарәнең вәкиллекле органнарына депутатлар сайлауда «Мобиль сайлаучы» механизмы каралмаган.

Татарстанда бердәм тавыш бирү көнендә, 14 сентябрьдә, Татарстан Рәисен сайлаулар, 7,5 мең муниципаль депутат сайлау һәм бер мандатлы №18 Мәләкәс округы буенча Дәүләт Советы депутатын өстәмә сайлаулар узачак.

ТР Үзәк сайлау комиссиясе Татарстан Рәисе сайлауларында кандидатлар итеп Рөстәм Миңнеханов («Бердәм Россия») белән Виталий Смирновны («Социаль гаделлек өчен Россия Пенсионерлар Партиясе») теркәде, шулай ук теркәлү өчен документларны Руслан Йосыпов (ЛДПР) һәм Хафиз Миргалимов (КПРФ) тапшырды.

Чыганак: Татар-информ