Татарстан үзебезнең самолетлардан торган авиаотряд төзергә планлаштыра

Фикер алышуда Росавиация җитәкчесе Дмитрий Ядров һәм республиканың транспорт һәм юл хуҗалыгы министры Фәрит Хәнифов катнашты.

Көн тәртибендәге төп мәсьәлә Түбән Камада урнашкан Бигеш аэропортында яңа очып китү-утыру полосасы төзү булды. Проект төбәктә авиаэлемтәне үстерүгә ярдәм итәргә тиеш.
Очрашу кысаларында төбәкнең парашют спортын торгызырга омтылуы билгеләп үтелде.
Үзебездә җитештерелгән 10 самолеттан торган авиация отрядын формалаштыру буенча планнар тәкъдим ителде. Бу һава судноларын төрле авиация эшләрен башкару өчен җәлеп итү планлаштырыла. Моннан тыш, катнашучылар Саба районында «Мингер» утырту полосасын төзү проекты турында фикер алыштылар. Әлеге проектны гамәлгә ашыру концессион килешү нигезендә күздә тотыла.