#Кыскача яңалыклар 06 октябрь 2026, 14:11

Татарстан «Хәтер йөгереше» акциясенә кушылачак

06 октябрь 2026, 14:11

Татарстан махсус хәрби операциядә хәрби бурычын үтәгәндә һәлак булган хәрбиләр истәлегенә багышланган «Хәтер йөгереше» акциясендә катнашачак.

Скопировать ссылку

Бөтенроссия акциясе 1–31 октябрьдә узачак. Быел аңа Татарстанны да кертеп, Россиянең 38 төбәге кушылган.

«Хәтер йөгереше» 1 октябрьдә билгеләп үтелә торган Коры җир гаскәрләре көне уңаеннан үткәрелә. Йөгерешләрдә студентлар, мәгариф оешмалары хезмәткәрләре, кунаклар һәм СВО ветераннары катнаша ала.

Чараның дистанциясе һәм маршрутын һәр төбәк үзе билгели. Акциянең рәсми өлешендә хәрби хезмәткәрләрнең портретлары тантаналы рәвештә алып чыгыла.

Оештыручылар фикеренчә, йөгереш — тормышның дәвамын һәм алга хәрәкәтне символлаштыра, ә хәтер үткәннәрне онытмаска ярдәм итә.

Кызыклы яңалыкларны күзәтеп бару өчен безнең МАХ каналына кушылыгыз.

#СВО