Татарстанда 18 меңнән артык гаилә ана капиталына сертификат алган

Бу хакта Россия Социаль фондының (РСФ) төбәк бүлеге хәбәр итә.

Мәгълүматларга караганда, сертификатларның якынча 5 меңе торак шартларын яхшыртуга – кредит акчаларын җәлеп итмичә торак сатып алуга юнәлтелгән. Тагын 24 мең сертификат банк кредитларын һәм займнарын түләү өчен кулланылган. Шулай ук 14 мең сертификат балаларның белем алуына тотылган, ә 1,2 мең гаилә ана капиталының 10 мең сумга кадәр калган өлешен акчалата алган.

Агымдагы елда беренче бала өчен ана капиталы күләме 690 266,95 сум тәшкил итә. Икенче бала туган очракта өстәмә түләү 221 895,14 сум каралган. Әгәр гаилә икенче яки аннан соңгы бала туганчы ана капиталына хокук алмаган яки аны рәсмиләштермәгән булса, алар 912 162,09 сум күләмендә түләү ала ала.

Исегезгә төшерәбез, ана капиталы программасы «Гаилә» илкүләм проекты кысаларында гамәлгә ашырыла һәм 2030 елга кадәр дәвам итә. Программаның төп максаты – гаиләләргә ярдәм итү һәм аларның матди хәлен яхшырту.