Татарстанда 3 мең чакрым йөреш үткән 1959 елгы «Волга»ны саталар

1959 елгы ГАЗ-21 «Волга». Иң гаҗәбе машинаның йөреше нибары 3 мең чакрым гына.

Белдерүдә күрсәтелгәнчә, автомобиль яхшы хәлдә, хәрәкәттә һәм өстәмә ремонт таләп итми. Шулай ук машина аварияләрдә катнашмаган дип әйтелә.

Сатучы бу раритет транспорт чарасын 5 миллион сумга бәяли. Коллекционерлар һәм ретро-авто яратучылар өчен бу чын табыш булырга мөмкин.

Мондый сакланган хәлдәге “Волга”лар бик сирәк очрый, шуңа күрә игълан интернетта инде игътибар җәлеп итә башлаган.