#Кыскача яңалыклар 24 июнь 2026, 10:27

Татарстанда анализлар нәтиҗәләрен MAX мессенджеры аша алып була

24 июнь 2026, 10:27

Татарстан Сәламәтлек саклау министрлыгы сынау режимында яңа цифрлы хезмәтне эшләтеп җибәрә: республика дәүләт медицина учреждениеләрендә анализ тапшыручылар нәтиҗәләрне турыдан-туры MAX мессенджерында ала алачак.

Скопировать ссылку

Татарстан дәүләт медицинасын һәм илкүләм мессенджерны берләштергән беренче төбәкләрнең берсе булды. Система бик гади эшли: анализ нәтиҗәләре әзер булгач һәм табиб аларны раслагач, пациент смартфонына шәхси мәгълүматлар күрсәтелмәгән документка сылтамалы хәбәр килә.

Яңа сервис нәтиҗәләрне алу өчен табибка кабат бару кирәклеген бетерә. Беренче этапта проектка Казанның берничә зур медицина учреждениесе тоташтырылган. Киләчәктә әлеге хезмәтне республиканың барлык үзәк район хастаханәләрендә кертү планлаштырыла.

Татарстан Республикасы сәламәтлек саклау министры урынбасары Андрей Ефремов болай ди:

«Без сәламәтлеккә кагылышлы мәсьәләләрне хәл иткәндә кешеләр өчен киртәләрне эзлекле рәвештә киметәбез. MAX мессенджеры белән интеграцияләү – технологияләр артыннан куу гына түгел, ә дәүләт сәламәтлек саклау системасының төбәк сегментын үстерүдә логик адым. Республика халкы көндәлек мәсьәләләрне мессенджерлар аша хәл итәргә күнеккән, хәзер алар шунда ук медицина мәгълүматларын да ала алачак. Бу вакытны янга калдырачак һәм табибларның кәгазь эше күләмен киметәчәк».

Кызыклы яңалыкларны күзәтеп бару өчен безнең МАХ каналына кушылыгыз.