Татарстанда базарларда чебен гөмбәләренә ихтыяҗ арткан

Сатучылар әйтүенчә, гөмбәләрне төрле халык чаралары әзерләү, ягъни дәвалану өчен сатып ала. Әмма белгечләр ассызыклаганча, мондый рецептларны куркынычсыз дип санарга ярамый, чебен гөмбәләренең медицина тарафыннан исбатланган нәтиҗәлелеге юк. Ә аларны куллану агулануларга китерергә мөмкин.

Табиблар искә төшерә: дәвалау ысулларын сайлаганда, интернет яки таныш-беләшләрегез әйткән шикле киңәшләргә түгел, ә табиблар күрсәтмәләренә генә таянырга кирәк.