Татарстанда бензинның барлык маркалары да диярлек арзанайды

Шул ук вакытта дизель ягулыгы бәясе артуын дәвам иткән.

Шулай итеп, АИ 92 маркалы бензинның бәясе 71 тиенгә арзанайган, хәзер аның бер литры 60,53 сумнан 59,82 сумга кадәр тора. АИ 95 бензины да арзанайган: аның бәясе 10 тиенгә кимегән һәм хәзер литры уртача 63,45 сум тәшкил итә. Шул ук вакытта АИ 98 һәм аннан югарырак маркалы ягулык аз гына кыйммәтләнгән — литр өчен 86,34 тән 86,46 сумга кадәр. Дизель ягулыгы уртача 35 тиен арткан, һәм аның бәясе литры өчен 70,15 сумга җиткән.

АИ 92 бензинына бәя бер атна эчендә 7,64% ка төшкән, тоннасы 66 868 сумга җиткән. АИ 95 бәясе (Россиянең Европа өлеше территориаль индексы буенча) шулай ук түбәнәйде-6,32% ка, тоннасына 74 110 сумга кадәр.