Татарстанда ел башыннан 244 балалар кирәк-яраклары белән бүләк җыелмалары бирелгән

Бүләк җыелмалары бер кешегә уртача кереме республикадагы яшәү минимумыннан түбәнрәк булган гаиләләргә бирелә һәм бала тудыру йорты тарафыннан, аннан чыккан көнне бирелә.

Татарстан Республикасы Хезмәт, халыкны эш белән тәэмин итү һәм социаль яклау министрлыгы мәгълүматларына караганда, бүләк җыелмасына беренчел кирәкле әйберләр керә: трансформер-комбинезон, яңа туган балалар өчен кокон-мендәр, киез итек, сырган юрган, махра җыелмасы, балалар подгузниклары, яңа туган балалар өчен җыелма, пеленкалар, кер юу порошогы, берничә төрле сабын, гель-шампунь һәм тән өчен җиңел крем.