Татарстан быелның I кварталында сатылган билетлар саны буенча Россия төбәкләре арасында Мәскәүдән генә калышып, 2нче урынны алып тора. Керем күләме буенча – башкала һәм Санкт-Петербургтан соң 3 урында.
Мәгълүм булганча, үткән елның көзендә Мәскәүдә РФ вице-премьеры Татьяна Голикова һәм РФ мәдәният министры Ольга Любимова катнашында беренче тапкыр уздырылган «Пушкин картасы. Премия» тантанасында Татарстан «Пушкин картасы» программасын гамәлгә ашыру буенча иң яхшы төбәкләрнең берсе булып танылды.
«Пушкин картасы» программасына Россия Федерациясе Президенты Владимир Путин карары белән 2021 елның сентябрендә старт бирелде. Программада 14-22 яшькәчә гражданнар катнашырга хокуклы. Карта балансындагы 5 мең сум акчаны театр, музей, концерт заллары, кино һәм башка мәдәният учреждениеләренә билет сатып алуга тотарга ярый. Бүгенге көндә илдә «Пушкин картасы»ннан файдаланучы кешеләр саны 10,5 миллионнан арта.
Билгеле булганча, Татарстанда илкүләм проектларның үтәлеше Татарстан Рәисе Рөстәм Миңнеханов тарафыннан нык контрольгә алынган.
Комментарийлар