Татарстанда яшәүчеләрне көчле җил турында кисәттеләр

Республиканың гадәттән тыш хәлләр министрлыгы хезмәткәрләре мондый катлаулы һава шартларында урамга чыкканда һәм машина йөрткәндә аеруча уяу булырга киңәш итә.

Машина юлы аша чыгу өчен мөмкин булганча җир өсте яки җир асты җәяүлеләр кичүләреннән генә файдаланырга кирәк.

Гадәттән тыш хәлләр министрлыгы реклама такталары, юл билгеләре һәм электр чыбыклары тирәсендә ышыкланмаска, шулай ук урам-юлларда саклык белән генә йөрергә киңәш итә.