Татарстанда иң кыйммәтле йортны тәүлегенә 115 мең сумга арендага бирәләр

Торакларны арендалау буенча сайтларның берсендә шундый төр белдерүдә өч катлы йортны арендалау тәүлегенә 115 мең сум тәшкил итә, диелә.

Затлы объект Авиатөзелеш районында урнашкан. 700 кв. м мәйданлы йорт 10нан артык бүлмәне үз эченә ала. 10 сутыйлы участокта мунча һәм бассейн бар.

Хуҗалар йортны масштаблы чаралар өчен идеаль урын буларак күрсәтәләр. Алар әйтүенчә, йорт 50 һәм аннан да күбрәк кунакны сыйдыра ала. Төзекләндерелгән территория зиннәтлелек тәэсирен тулыландыра: биредә беседка бар, чыршылар утыртылган, ә юллар брусчатка белән түшәлгән.

Шул ук вакытта аренданың йомгаклау бәясе теркәлмәгән һәм үзгәрергә мөмкин. Арендага бирүче бәянең кунаклар санына бәйле булуын ачыклый. Моннан тыш, мәйданчыктагы мәгълүматка караганда, ставка керү датасына карап үзгәрергә мөмкин, бәйрәмнәр алдыннан бәяләр үсү ихтималы бар.