Татарстанда кайбер фәннәр буенча укытучыларга грантлар күләмен арттырганнар

Татарстан Республикасы Министрлар Кабинетының тиешле карарына республика Премьер-министры Алексей Песошин кул куйган.

Физика-математика профиле укытучылары өчен грант түләүләре 300 000 сумнан 344 828 сумга, физика-математика профиле яшь укытучылары өчен – 240 000 сумнан 275 862 сумга, ә физика-математика түгәрәкләре җитәкчеләре өчен-90 000 сумнан 103 448 сумга кадәр артты.

Шул ук вакытта грант алучыларның саны үзгәрешсез калды: 100шәр физика-математика профиле укытучысы һәм физика-математика түгәрәкләре җитәкчеләре, 150 яшь физика-математика профиле укытучысы.

Грант конкурсын Татарстан хөкүмәте быел май аенда ТР рәисе Рөстәм Миңнеханов инициативасы белән оештырылган «физика-математик алгарыш» проектын гамәлгә ашыру кысаларында гамәлгә куйды.